Musig - Musig isch Musig

En Erzählnachtgschicht in Schwizerdütsch zum Thema "Viva la musica", 10. Novämber 2023

Musig isch Musig. Und drum gohts i dere Gschicht um wohri Musig. Nid irgendweli Musig, wo me ufm Händy cha mache, irgendwie de Ton verändere oder nid emol uf em Händy, vielicht lippesynchron singe - nei! Wohri Musig isch, wenn me es Instrumänt id Händ nimmt und afot spile. Und mängisch, nume mängisch wird me richtig guet. Tönt wahrschinlich doof, aber das isch eifach Musig.

Es het mol en Bueb gä. Är hätti gärn Trompete gspilt, het abr nid gnue Gäld gha. Aber einisch het är gnue gspart gha, mit arbeite und häufe. Auso isch de Piotr, so heisst dä Bueb, ine guete Lade go en Trompete choufe. Nachdäm är d Trompete kauft het, het är afo spile und spile und immer meh bis är ändlich usegfunde het, wie me es par Tön usebringt. Nach ere Wuche oder so isch är langsam besser und besser worde. Und denn, ändlich nach viiiiiiiiiilem Üebe, het ärs gschafft, es Lied z spile: Happy Birthday.

Das isch grad rächtzitig cho, nämlich sis Mami het i zwöi Täg Geburtstag!!! Är würdi ihre vorspile und denn wäri si vilicht soooo begeischteret, dass si ihn id Tromeptestund würd lo go. Das isch nämtlich sin Traum.

Und wo em Piotr sim Mami ihre Geburtstag isch gsi, het är gspilt und gspilt und immer meh gspilt bis är nüm het chönne...

Ums churz zmache: zwöi Johr spöter isch är scho de bescht Musiker i sinere Stadt gsi. Vilicht wärdet ihr emol so guet wie de Piotr. Ob tanze, zeichne, vilicht au game (!),min Tipp isch: fescht dra glaube!!!

Henry, 10 Jahre, besucht die Primarschule Hübeli und die Musikschule